«Արդարութեան մատենաշար», թիւ 1. Հրատարակութիւն՝ Հ.Յ.Դ.-ի, Սեպտեմբեր 2002, Երեւան, 71 էջ
Մատենաշարի առաջին պրակը կը մեկտեղէ գլխաւոր զեկոյցները եւ հիմնական մտքերու ամփոփումը այն սեմինարին, որ նախաձեռնուած էր Հ.Յ.Դ. Բիւրոյի կողմէ եւ տեղի ունեցաւ 14 եւ 15 Յուլիս 2002-ին, Երեւանի մէջ։ «Դաշնակցութեան ընկերվարական գործը Հայաստանում» նշանաբանով գումարուած սեմինարին իրենց մասնակցութիւնը բերին , Հայաստանէն թէ արտերկրի տարբեր շրջաններէն, աւելի քան 50 հրաւիրեալներ։ Ընդհանրապէս Հ.Յ.Դ. գաղափարաբանութիւնը եւ որոշապէս ընկերվարական մեր աշխարհայեացքը վերաթարմացնելու առումով շահեկան սկիզբ մը եղաւ սեմինարը, որու ընթացքին արծարծուած հարցերուն, արտայայտուած տեսակէտներուն եւ դրսեւորուած հիմնական ուղղութիւններուն հակիրճ պատկերը կը փոխանցէ «Արդարութեան մատենաշար»ի այս պրակը։
